Boas,
Unha nova ruta de sendeirismo está xa operativa na Ribeira Sacra e discorre pola ribeira miñota. Trátase da "Ruta da Ribeira Sacra do Miño".
Son nada máis e nada menos que 36 quilómetros que transcorren por carreiros, vías secundarias e camiños dos Concellos de Pantón e O Saviñao. O punto de partida é a Igrexa de Santo Estevo de Ribas de Miño (visible pasando o gran viaducto que hai entre Chantada e Escairón) e o remate está en Cima de Atán. Os máis atrevidos e en mellor forma física poden atacala nunha etapa pero pódese facer en 4 etapas de 9 quilómetros. As vistas son impresionantes e no paso pódese gozar da beleza das ladeiras de viñedos, do románico e de paraxes impresionantes como "o cabo do mundo" (meandro do río Miño no lugar coñecido como a Cova).
Detrás da creación desta ruta está a Asociación de Veciños do Saviñao a quen lle hai que agradecer o interés e esforzo desta iniciativa. Se queredes máis información sobre a ruta podedes pedirlla a eles por correo electrónico no seguinte enderezo:
asociacionvecinaldosavinao@gmail.com
Aquí podedes ver unha opción de ruta parcial de 20 quilómetros (5 horas aproximadamente).
E finalmente unha recomendación. Podedes achegarvos ao embarcadeiro de Belesar e coñecer O Batuxo, un lugar onde poder gozar dun bo xantar e o seu correspondente dixestivo.
Que boa pinta ten todo.
ResponderEliminarLa verdad es preciosa,los tres primeros tramos ya los hice varias veces,el tercero esta semana,merece la pename falta por conocer el último tramo de Marce a Pesqueiras de Atán,que seguro que iré esta semana con la Asociación que tanto está trabajando en la Ruta; mi consejo para disfrutar es que debe hacerse en dos etapas,una se hace muy larga,ya que además de ser preciosa no es nada fácil.
ResponderEliminarTéñolle ganas. A ver se este verán.
ResponderEliminar