ANDAINA DE XOVES SANTO

VILAMOR

RUTA DE XOVES SANTO (2 abril)

ORGANIZA: Asoc. Fonte do Milagro

A andaina sairá de Vilamor e logo de pasar pola Fonte de Folgueiras, A Costa, Baldomir, Rexiu (aquí tomarase un cafeíño repoñedor) a Curva de Navido, Navido, Freán, Souto de Freán e regreso a Vilamor.

A distancia aproximada é de 8 quilómetros e a dificultade media. Aconséllase levar calzado axeitado e que protexa da auga pois atoparase nalgún tramo.

Duración aproximada de 3 horas (facendo paradas).

O lugar de encontro para saír será Vilamor, na estrada da Pobra de Brollón a Folgoso do Courel ás 10.30 h.

Rematada a andaina farase un xantar. Quen desexe participar nel deberá inscribirse previamente  antes do día 1 ás 15.00 h. (Tel. 619 02 52 52) e pagar 6 € se non é socio e 5 € se é membro da Asociación Fonte do Milagro.

A ruta foi acondicionada recentemente por membros da Asociación Fonte do Milagro e da Asociación de Veciños da parroquia de Vilamor. Descorre por vellos camiños e sendeiros, nalgúns tramos hai máis de 40 anos que non foron utilizados polos veciños.