DANZA DAS MÁZCARAS DE MANZANEDA

PARDIÑAS 2014

Vídeo Promo Festival de Pardiñas from Galicia on Vimeo.

Praia das Catedrais (Ribadeo)

Por xentileza de Carlos Rueda

CALÇOTS EN GALICIA

Son un galego retornado e devezo polos calçots, motivo polo cal hai dous anos decidín probar sorte coa sementeira destes tubérculos tan populares en Catalunya.

Botei man dalgún consello de amigos cataláns e, como non, tamén da internet para poñerme mans á obra. 

O proceso para chegar ao calçot pasa por catro etapas ou procesos previos:

1-Sementeira e trasplante da futura cebola branca (de outubro a marzo).

2-Colleita das cebolas (xullo-agosto).

3-Prantación da cebola branca (semienterrada, nunca cuberta de todo). Cómpre regala xenerosamente e esperar que agrome para progresivamente ir tapando con terra a parte tenra dos gromos que vaian saíndo (agosto-outubro) 

4-Colleita dos calçots (decembro-abril).

Regos de Calçots

No meu caso saltei as dúas primeiras etapas e encarguei as cebolas brancas a unha cooperativa de Igualada. Prantei tres regos delas nunha leira en Monforte de Lemos e fun tapando con terra ata por cinco veces os abrollos ou gromos que lle ían saíndo. A acción de ir tapando con terra coñecese como “calzar”, e velaí a orixe da palabra calçot. Aguantaron ben o frío e vivín con satisfacción o proceso. A proba foi cunhas 20 cebolas e de cada unha saíron uns 8-10 calçots, co cal poidemos facer dúas calçotadas, unha familiar e outra para os amigos galego-cataláns.

Como anécdota comentar que atopei unha casa de turismo rural que fai calçotadas en Pantiñobre, perto de Arzúa, que se chama Casa Assumpta. Segundo me contou un día “o Patrón”, cando empezaron con esta iniciativa moitos paisanos lle dicían, medio en serio medio en broma, que iso aquí en Galicia dábaselle aos porcos. Despois de bastantes anos as calçotadas son un éxito completando reservas todas as fins de semana da tempada.

VENDIMA NA RIBEIRA SACRA

CONTA ATRÁS PARA A RAPA DAS BESTAS

OSO DE SALCEDO (2014)

AUTOR: CARLOS RUEDA

TEASER "TEMPO" (Documental de Manuel Valcárcel)

TEASER_TEMPO_ESP_1080p from MANUEL VALCÁRCEL on Vimeo.

O NATURAL É COMER BEN

UNHA RECOMENDACIÓN

RIBEIRA SACRA

TRABALLO AUDIOVISUAL DE NÉMESIS PRODUCCIONES
Ruta del Vino Ribeira Sacra from Némesis Cr on Vimeo.

PASARELA DO RÍO MAO (Parada do Sil)

O punto de partida desta "andola", para min non pode describirse como ruta, está na antiga central hidroeléctrica coñecida como Fábrica da Luz (rompéronse a cabeza). Para chegar a este lugar dende Monforte temos que saír pola estrada que leva a Doade e Castrocaldelas. Antes de chegar a Castrocaldelas temos que desviarno cara A Teixeira e Parada do Sil. Nun punto situado a uns 8 quilómetros da Teixeira e a uns 10,5 de PArada do Sil arrinca o desvío que nos levará á vella central.

Perto da vella central xa atopamos os paneis explicativos e alí comeza o percorrido. A pasarela ten unha lonxitude duns 1,3 quilómetros, foi construída a unha altura considerable sobre o escarpado terreo e á beira do río Mao. Resulta atractivo e moi orixinal ver como algúns dos seus tramos discorren á altura das árbores (castiñeiros, carballos, loureiros, acibros...) o que lle dá certa espectacularidade ao sentirse un suspendido sobre o canon do río Mao.

Rematada a pasarela de madeira seguimos camiñando por asfalto e por unha pista de terra ata a aldea de Baxacova onde podemos dar por finalizado o itinerario principal. Chegados a este punto temos dúas alternativas, volver por onde viñemos e desandar o andado ou seguir pola estrada asfaltada que chega a Barxacova e chegarmos ao punto de partida inicial pero facendo un percorrido circular. Neste caso hai uns 3 quilómetros máis dende Barxacova.

WIKILOC: http://es.wikiloc.com/wikiloc/view.do?id=1425625

NO BLOG DO AMIGO JRCASAN:
http://www.jrcasan.com/rutasc/barxa_cova/rutadebarxacova.htm

CAMIÑADA ANGUIEIROS-VILANUIDE-COVALLOS-ANGUIEIROS

DOCUMENTAL SOBRE ÁRBORES

Corpos arbóreos (castellano) from Andres Victorero on Vimeo.